| °l||l° M!sS U@E...'s profile--{ M!sS U@E ]PhotosBlogLists |  Tools  Help |
|
--{ M!sS U@E ]
September 15 تودعكم و إلى لقاء بعيد بإذن الله M!sS U@E
السلام عليكم و رحمة الله وبركاته
..عسـاكم بخير خواتي واخواني ^___^ :( مثل ما قريتوا العنوان... إني بودعكم وبإذن الله بنلتقي لكن مب جريب >.< أكتب هالبلوق وكلي حـزن لأنه آخر بلوق ليه
اتخذت هالقرار وهو إني اهد النت و كل إلي حبيتهم واعتبرتهم أكثر من اخوان ليه... و أنا أدري إني بتعب بلياهم لكني بصبر عشان مستقبلي وهدفي...بتقولون أي مستقبل ترمس عنه.. أكيد الكل يعرف إني هالسنه بتكون آخر سنة ليه " ثانويه عامه ".. وإلي ما يعرف تراه إلحين عرف.. وبتقولون أي هدف.. هو إني اييب نسبه فوق 95 وادرس تخصص حلو واخدم هالوطن إلي ناخذ منه ولا نعطيه... وأنا لو ما اتخذت هالقرار مستحيييل احقق كل إلي فـ راسي وكل إلي اطمح له بوجود النت ..أنا كتبت هالموضوع...و قلت أني بودعكم لكن مستحيييل أنسى قلوب طيبه حبيتها من خاطري أناا هنييه اطلب منكم السموحه لأي غلط بدر منيه في حقكم .. انسوا بأني ضايجتكم في يوم من الأيام لا سمح الله...انسوا كل
إللي سويته لكم لكـن أتمنى إنكم ما تنسون أخت كانت وياكم وبتظل روحها متعلقه بكم... و هي
...وأخيراً..هذا التصميم آخر تصميم ليه.. إهداء لكم و تأكدوا بـ أني مستحيل انساااكم.. واشووفكم على خير بـ إذن الله  السموحه من اليمـيع والرب يحفظكم وين ما كنتوا لا تنسوني بالدعاء ^.^ ..دمتـم بـ حفـظ الرحمـن..
July 04 ][ مــن تصـــامـيــمــي ][
شحااالكم زواار سبيسي و جيف الصحة...عسااكم إلا بخير وسهااله ياارب
^_____^
...إسمحولي عـ القطاعه... وإني ما احط بلوقات و نادرا ما أمركم
بس شو نسوي...هااي هي الدنياا >>ماعندها شي تقوله..لووول
المهـم إني دشيت وافتكرت وبحاول إني امر على السبيسات قد ما اقدر
:) وخاصة إللي زاروني وما مريتهم هذيل لازم امرهم
...في هالبلوق حبيت اروايكم تصميمين
][التصميم الأول][
شوي جديم..مر عليه شهر وشوي..لكن أتمنى إنه يعيبكم ...هذي الكلمـات...واايد تعيبني
الله يــا وقــت مـضــى وايــام مـــرت ويـــن ايـــام عــهــد الــوفــا ويــقــال يــــا عــونـــه
ان كنت راضـي فـي طريجـك وشفتـه زيـن عـســى ان قـلـبك عــنــد نـــاس يــدارونــه يـا ذا المعـنـا وش خـبـر طـيـرك الشـاهـيـن قــنـص طـيــركــم ولا بـعــدكــم تـربــونــه؟؟ جانه شـرا تـوق الوحـش صــار لـه طلعـيـن مــا حـيــد الـطـلـع تـــم يـتـخـايـل اظـنـونــه ان جــان طلـعـه هــوب راكـد تــرف الـعـيـن يـشـوف الـهـدد مـن الـبـعـد غـيـره يـهـدونـه لا تـهـد طـيـرك وفــوق جـو السمـا هنـتـيـن خـايـف هـداده يكـسـر الـحـوم مـــن دونـــه يـا بـن خليـفـه عـزوتـي يـــا نـظـيـر الـعـيـن نــداري ونــدري الـلــي بـعـدهـم يــدارونــه بالله خـبـرنـي وقـلـي يـــا كـحـيـل الـعـيــن نـفـس الفـتـى فـي مـركـز الـعـز مصـيـونـه يـا عـاذلـي فالـهـوا مــا تـنـصـح المخـطـيـن قـلــب المـعـنـى يــعــرض حـــد مـسـنـونـه ارا الـحـق انـا لـهـل الـهـوا يـتـبـع الجـافـيـن يغـفلـون ويـصــدون عـــن طــالــب ديــونــه مـــدري تـعـمــد يـــا عـمـيـلـي اذا نـاسـيـن عــن الـحـق واهـل الـحـق للـحـق يـوفـونـه انـــا اراقــب بـيـانـك غــبـت مـــن حـولـيــن هل كيـف يـا سـيـدي الـذي فــات تنسـونـه وش لي حدث وش صار تمشي على خطين تمـشي عـلـى درب الـهـوى عكس قـانونـه تـغـنـم زمـانـك واكـسـبـه دام وقـتـك زيــــن تــرا العـمـر يفـنـى مـثـل زرعـــن يحـشـونـه تـسعـد وتـهـنـى بالـمـحـبـه مــع الـغـالـيـن تـهـنـى بـخـل سـابـق الوقــت مــن دونــه  ][التصميم الثاني][
....هذا التصميم أيدد...كمل اسبوع تقريبا
صممته وأنا يالسة اسمع اغنيه لميحد حمد
وحضرتي ما ينزل علييه الإلهاام إلا وانا اسمع لميحد...لوول  ...ًو أخيرا
أتمنى أشووف اراائكم وانتقاداكم وسلااامكم
افهموا يعني اشوف كومنت وبس...خخخخخ<<<<
...يالله...أحلى سلااام مني لكم حباايبي
April 08 ^_____^ ..الســـلااااام عليــكم..
إشحااالكم...؟
عسااكم مرتـاحيـن
^___^
والله متولهه عليكم و فخااطري أحاوط في السبيسات..بس تعرفون عياال المداارس وشغلهم التعباان
..وخااصة أنااا اعذرووني
..شفت موتي وأنا حي والسبب هم علمي
لوووووووول.. تخلبت والله من هالعلمي خخخ
..يالله ...الله كريم
الله يسهل علينا وعليكم ويوفقنا ويوفقكم
..بس أوعدكم جريب أمر عليكم كلكم
..ياااويلكم لو مريت ما حصلت شي يديــد
..خخخخخخخ..شو بسوي يعني
لوووووووول
..المهـــم..
أنااا صممت تصميم يديد اليووووم
..توني خلصت منه
..الله يذكره بالخير..Mr. Al Mehairi والصور...خذتهن من سبيس
...أخليـــكم مع التصمـــيــم...
 ..أتمنــــى يعيبكم شغلـي
..وأتريــا ردووودكم
^____^
فداعـة الله
February 15 ThE ScHoOL's DaYs WiTh M!sS U@E مرحبااااا الســـاااااع
  حبيت الييوم أقوولكم ملخص هالإسبووع في المدرسه.... وحاولت أصورلكم  والسمووحه الصور مب لين هنااك....لأنيه بسرعه بسرعه أصور...عسب مايودووني خخخخخخخخيووم السبت..طااال عمركم أزفـــت يووووم في حياااة أي طاالب... توه يااي من إجاازة..وطبعاا سهرااان وحالته لله...  طووول اليووووم....رقااااد  والمصيبه إنه عندي هاليووم هالعلل الثلااااث  يوم الأحد..الله يسلمكم كااان عندي امتحااان فيزيااء... وكنت مب مذااااكرة عدل.. والسبه الشامسي...أونه شو يقوول الفيزياء كشخه وتعالي بعلمج..خخخخ ويوم سرت  له ظهر اختصاصه أدبي خخخخخ  وأبلتي نور القلب..قالت بتعلمني...بس شردتوطوووول هاليووووم و أناا في الكلاااس طاااحنه هالكتااب والمذكره طحاااااان..وخااصة  حصة الإنجليزي..يعني تقدرون تقولون..أنااا في وااادي وهم في بحر... خخخخخخ   هنييه..ربيعتي تسألني عن جوااب السؤاال في كتااب الإنجليزي....خخخخ طااعوو شو كتبتلهااا....  وبعد ما امتحنت.....  وانصعقت بالإسئله.....خخخخخ...حليت الأختيااري والرسمات بس والمسااااائل ماا حليت ولا وحدة منهن...  شووفوووا سوالفنا بعد الامتحاااان  يوووم الإثنين.... طررررر ونااااااااسه وضحك... أول حصة كيمياااء....   بخبركم سالفة أبلتناااا....يايبينها احتياط..ومسمينها أبله عطيات سلمكم الله...هذي كل ما تشرح معاادلااات تقووول...-عندكم وصفه... - لما بتعملوا  الكيكه...- تخيلووا الصالونه..خخخخ  خخخخخخخخخخ...شكلهااا الحرمة من سنة مب ماااكله وفي هاليوووم الحلووو...حصلت ورده.... احم احم  ....بس ماا عطووني حلاوة  خخخخخخخ يوم الثلاثـاااء  يوووم خفيف عـ المعدة... أي معده خخخخخخخ شكلي يوعاانة يعني يمر عـ سريع...حصتين حاسوب...وعربي ودين....ويخلص اليووم بخبركم ساالفه أبلة الدين.... خخخخخخخخخخ والله ضحكتني زين مااا مت من الضحك....  هذي الأبله...في حصتهااا بس نسوولف ونضحك.... وأي شي يصير في المدرسه نشكيلهااا... فـ يووم دخلت علينا....جاان أقوولهاا....أبله خبري الإدارة ترى السندويجات إللي يبيعونها مب شي.. وخله يردوون الكرواسون..مشتهيتنه.... كملت10 أياام وأناا ما كلته.... وانفجرت عليييه من الضحط...وهي تقوول... من اسبووع وإنتي تعيدين هالمواال هههه والله نبيل شعيل ياالس جداامي مب *******... حشاا ولا جنج المعصعصه...الهيكل...أضعف بنية وجيه تقولين عيل الله يعين البااجياات... وانفجر من الضحك... خخخخخخخخخخخ يوم الأربعاء  الله..شفتوووا...كيف مر الإسبوع بسرعه براااويكم اليووم شو صورت....  مخبئناااا السري...خخخخخخخ بعد ما تصعدون فوق...صوب صفووف الشيخاات بنااات علمي....خخخخ تصعدوون بعد من هنيييه...   وصلتوووا...خخخخ دعااية دقووووس خخخخخخ  هذي يلستنااااا.... خخخخخ من عقب هجر المدرسه للكرواسون...لوووول   و أخيــراً...  هذاااا للي بيكتبون كومنت.... لووول... تستااهلوون  والسموووحه عـ الإطااااله....  أختكم... M!sS U@E February 02 ما بغيت أنزل بلوق خخخخخ..الســــــــــلاااااااام عليـــــــــكـــم..
عســــــــــاكم بخيـــــر وسهــــــاله يااارب :)
اليوم يبتلكم مقطع فيديو لـ مطبه يديدة في جميرا...طبعا الناس ما تعرف عنها وتمر شرات ما تمر كل يوم
والشباب يالسين يصورون و ناقعين من الضحك
خخخخخخخخخ...بس بنفس الوقت..حراااام...سيايير خلق الله تكسرن
لوووووول
شووووفووو وعطوووني رااايكم و السمــوحـه يالشيـوووخ عـ القصـــــــور January 10 °l||l° عســـاكم من عـــــواده °l||l°الســـلااام عـليكـم ورحـمـة الله وبركـاااته
اشحااااالكم... عساااكم إلا بخير....؟؟
:)
هذا تصميم صممته لعيوووونكم بمناسبة العيد..
أدري إنه بسيييط ومب قد المقاام.. بس لأاني توني مسوتنه وبسرعة عشان ألحق أرقد.. تعرفوون باجر ورااانة نشة الساعة ست...
وكل عااااااام وإنتواااااااا بألف خييييير وعساااااااااكم من عواااااااااده حبااااايبي..
 ..وإندوووووووكم العيدية... بس لا تنسووون عيديتي
 و السموووووحة عـ القصووووووور..
خويتكم
M!sS U@E
January 05 بالأمس زايد .. واليوم مجتوم !! الله يعينج يا اماراتي !!بسم الله الرحمن الرحيم
  في ذمة الله !!! في ذمة الله !!! في ذمة الله !!! في ذمة الله !!! وصلتني بطاقة .... كل عام وانتم بخير بحلول العام الجديد .. و رحبوا بـ " في ذمة الله " من جديد .. """""""""""""""""" خاب الرجا فيج يا 2006 قبل البدا تبدين بروح مكتوم ندري الاجل محتوم وكل بوقته بس ما لقيتي غير خيرة القوم بعده جرحنا في زايد تنزف نزيفه ما اندمل لحد هاليوم مرحوم يا خير البرايا ولفته في جنة الخلد بو سعيد مرحوم """""""""""""""""" في ذمة الله !! كلمة ما عاد تفارقنا .. كلمة صارت تتكرر وتتكرر فالتلفزيون والاذاعة كلمة احس روحي بتطلع يوم اشوفها ...  فراق زايد جرح ما يبرى !! تتوقعون فراق مجتوم جرح بيبرى ؟؟!! لا والله .. لا زايد ولا مجتوم ولا راشد !! كل واحد له في قلب كل اماراتي مكانه .. في ذمة الله !!! كلمة صعبة .. تعود عيال زايد ع انهم يشوفونها .. لكن ما تعودوا ع انهم يصدقونها !! """""""""""""""""" يا فرح وش فيك صايـر مـا تبانـا صرت مبعد عن وطنا دايـم تْشـوم يافرح ما شفنا زولـك فـي سمانـا من سنه روحت عنـا مثـل الغيـوم ما نشوف إلا الحـزن لافـي ثرانـا ناصب اخيامه تعلـى روس الحـزوم وآه تمشـي مقبـلـه وآه ٍ ورانــا وآه ٍ تزيد القلـب حـرات و وسـوم وآه ٍ على الشيخين تسقـي ضمانـا والله صرنا يتْم فـي عيـن محـروم من بعـد زايـد بكـت فينـا دمانـا واليوم ينزف جرْحنـا بعْـد مكتـوم وش بقى يا فرْح ذا عطفـك نسانـا رحت عنّا .. ما تبينا .. صرت معدوم وش بقى فينا سـوى دمـع ٍ هوانـا حَبّ عين ٍ حزْنهـا يبكـي بالهمـوم عبدالله بن سالمين العرياني """""""""""""""""" """""""""""""""""" عمر البشر واحد ورب الكون محصيها والسنين وان طالت لا يمكن تدوم عظم الله اجر الدار ومن سكن فيها وعظم الله اجر دبي في وفاة مجتوم """""""""""""""""" بو سعيد :: ومهما كان مانسينا ولا بننسى بو مجتوم ღ رحم الله فقيدي الأمة .. بو خليفة """"""""""""""""""
رعاج الله يا دارٍ تِكحل عينها الهموم وشعبٍ من بعد الافراح عايش في كدر وأحزان فقدنا من قبل زايد ويرحل من عقب مكتوم وجــدد للألــــم قصة بعدها تِجرح الاوطــــان رحل رمز الرجال اللي تفانوا والأجل محتوم طفى نور الصراي اللي يبدد ظلمة الامحـــــان """""""""""""""""" لكن ما نقدر نقول الا :: ( لا حول ولا قوة الا بالله ) ربي اغفر لهم وارحمهم وعافهم واعفو عنهم واكرم نزلهم واوسع مدخلهم .. واجعل قبورهم روضٌ من رياض الجنه .. واجعلهم في جنة الفردوس الاعلى اللهم ارحم فقيدنا ( مكتوم ) وارحم فقيدنا ( زايد ) ... اللهم طهر ارواحهم كما طهرت الثوب الأبيض من الدنس.. يالله أسألك أن تستقبلهم من أوسع أبوابك ... وأسألك أن تجعل مثواهم الجنه .. واغسلهم اللهم بالماء والثلج والبرد.. ربي نشهدك وملائكتك .. نحن رعيتهم بأنا قد رضينا عنهم .. فارضى عنهم ووسع مدخلهم .. يا حي يا قيوم .. ربي أسألك أن ترحمهم .. فإنهم عبادك بني عبيدك نواصيهم بيدك .. ماض فيهم حكمك عدل فيهم قضاؤك .. أسألك ربي بكل إسم هو لك أن تثبتهم عند السؤال ..اللهم انصرهم في مماتهم كما نصرتهم في حياتهم ... اللهم إن فقيدينا في ذمتك .. وحبل جوارك .. فقهم فتنة القبر وعذاب النار .. وأنت أهل الوفاء والحق ..فاغفر لهم وارحمهم انك انت الغفور الرحيم .. اللهم إن كانوا محسنين فزد في حسناتهم .. وإن كانوا مسيئين فتجاوز عنهم يا رحيم يا رحمن .. وأشهد أن لا إله إلا الله ولا حول ولا قوة إلا بالله وإنا لله وإنا إليه راجعون ..  --------------------------------------------
|
||||||||
|
|
